jueves, 28 de febrero de 2013

CSI, spot Marcha-manifestación Asturies en pie


Convocatoria y más noticies na páxina CSI:

El prósimu sábadu 9 de marzu a les 18:30 h. na Plaza del Vaticanu, (La Sindical) - Avilés, Asturies.

y el sábadu 23 de marzu en Xixón a les 18:30 h, en Fátima, El Cerilleru.

Manifiestu CSI:

Toes y toos tenemos derechu a un trabayu o una Renta Básica que nos dexe llevar una vida digna. L'Estáu tien de garantizar los derechos básicos de les persones: alimentos, melecines y salú, vivienda, educación y servicios sociales. Ye hora de repartir la riqueza, de recuperar los drechos sociales pa toes y toos y, cuantimás, el drechu de toles presones a vivir dignamente pol meru fechu de selo.
Más de 6 millones de paraos y paraes nel Estáu español y más de 115.000 n'Asturies, coles sos families, suponen la fame pa la tercer parte la población.
El paru, la precariedá y la probeza cébense cola clas obrera. Los drechos llaborales yá son parte'l pasáu y, agora, tán saqueando les pensiones.
Banqueros, especuladores, grandes empresarios, millonarios..., quieren que paguemos la cris qu'ellos crearon. La mal llamada "delda pública" ye la so delda: que la paguen ellos. Ellos son los braeros criminales.
Paru, probeza, desahucios, retayos en sanidá, educación y servicios sociales, despidos, EREs... Les presones nun importen y prefieren que nos suicidemos a danos los nuesos drechos. Mientres, el dineru que precisamos pa sobrevivir, súmese peles alcantarielles de la corrupción del PP-PSOE.
Y si protestamos, recibimos multes, palos, detenciones y cárcel. La represión ye'l recursu los poderosos.
Tán fundiendo Asturies y desguazando la nuesa tierra. Nun podemos dexar que'l futuru de les asturianes y asturianos sía la emigración.
Esti sistema capitalista que nos imponen, ta amenorgando a escombros el mundu nel que vivimos. Y esta realidá nun la vamos camudar mirando pa otru llau nin esperando a que camude por sigo sola.
Ye hora de ponenos en pie, de remangarnos y ganar na cai lo que nos roben nos despachos.

Convoca: CSI, CNT-Xixón, CXT, SUATEA, Coleutivo de parad@s-precari@s d'Asturies, FUSOA, Centru Social Sestaferia, Asociación Picu Rabicu, Asociación escontra la esclusión Alambique, Asociación Cambalache, Asociación L'Arcu la Vieya, Comité de defensa de la minería, Centru Social La Semiente y Plataforma d'Afectad@s pola hipoteca.

Convocatoria y más noticies na páxina CSI: